عـــــــالـــم السّـــيــرك ،، جـب معك تذكرتــــك قبـل تدخل .. (( مشارك )) ..

..

كان يامكان في قديم الزمان في عصر اسمه عصر الرومان عام 500 ق.م كان عندهم نوع من انواع العروض
الداميه الوحشيه بانهم اذا مسكوا ناس مخالفين او ناس عليهم عقوبات من الدوله ياخذونهم ويذبّونهم داخل ساحه
دائريّه فيها مدرجات كثيييير تكون خاصّه بالناس وفيها مساحه على جنب تكون للحاكم واعوانه جعلهم الضربه ..

الساحه هذي تشهد معارك داميّه جدا بين هذولي المخالفين وبين مصارعين معهم اسلحه وادوات حادّه
فكرتهم وقمّة متعتهم تكمن بمشاهدة هذا القتال والدمويه اللي تحصل وانواااع التشجيع والترفيع وسعة الصدر
وكل مامات ناس كثير كل مازادت وناستهم وحماسهم .. المهم تطوّروا شوي ودلّوا بدال هالمصارعين حطوا حيوانات
مفترسه اسود وضباع ودببه عملاقه يجوّعونهم بالايام همن يحطونهم في الساحه ذي ويخلون المعاقبين يواجهونهم
واول حلبه سوت هالحركه الوصخه كانت حلبة ماكسيموس في روما

تخيّل نفسك عزيزي القارئ تغلط غلطه ويمسكونك الجنود ويجوّعون لك مخصوص اسود كبر قريح ويدخلونك عليه قدام
آلآف الناس اللي تتفرج وتشجّع وتصارخ بدون ادنى احترام للحقّ البشري والانساني .. والله ان انهبل واموت روعه
قبل ادخل ..

المهم من هالفتره ياجماعه تولّد لنا مفهوم السيرك بشكل مبسّط وهو وجود مكان دائري فيه مقاعد للمشاهدين وداخلها تصير
عروض ومباريات .. و علي شوي شوي ومع حبّ الناس لمشاهدة العروض بدوا الناس يتطوّرون ويستغنون عن الدم والقتل
ويخلّون عروضهم فيها فكاهه وفيها سعة صدر صدقيّه وحطّوا راقصين وعروض خفّه واشياء غريبه وصاروا يسوونها
بسيرك متنقّل عشان يقدرون منها يوصلون لكلّ الناس ويكسبون ارباح اكثر وكانوا اكثر ناس يسوون عروض السيرك
هم الغجر في القرن 14م يسافرون ويدورون علي العالم بعربات ومعهم رقّاصينهم وحيواناتهم وقشّانهم ..

طبعا لفظ (( السيرك )) معناها باليوناني واللاتيني دائره وحلقه وبعضهم يقول انها تنطق اصلا سيركل يعني دائره
بس الناس حرّفوها مع الزمن وصارت تنطق سيرك (( شكلهم كانوا يلعبون لعبة تليفون خربان اللي تنقال كلمه بالبدايه
وتصير شي مختلف بالنهايه عقب مايتناقلونها اللي يلعبون ))

[

» من العضو الي تتمنى تدخل المنتدى وتلقاه متواجد